Yfirlit frétta

Rúllubaggaplast verður sótt í dreifbýli Blönduósbæjar miðvikudaginn 10. apríl 2019. Þeir sem vilja láta taka plast þurfa að hafa samband við bæjarskrifstofu, í síma 455-4700 eða með tölvupósti á katrin@blonduos.is fyrir þriðjudaginn, 9 apríl til að láta vita af því hvort sækja þurfi plast. ATH. Einnig eru teknir áburðarpokar en losa þarf plastpokann innan úr áburðarpokanum þannig að þeir séu aðskildir.

Í samræmi við samþykkt sveitarstjórnar Húnavatnshrepps, 30. janúar 2019, er hér með auglýst tillaga að deiliskipulagi að svæðinu við Ströngukvíslarskála skv. 41. gr. skipulagslaga nr. 123/2010.

Bíllykill og húslykill funndust við flokkun á endurvinnsluefni hjá Sorphreinsun VH ehf.

Í samræmi við samþykkt sveitarstjórnar Blönduósbæjar, 12. febrúar 2019, er hér með auglýst tillaga að deiliskipulagi að nýjum íbúðarlóðum við Fjallabraut, Lækjarbraut og Holtabraut fyrir íbúðabyggð skv. 41. gr. skipulagslaga nr. 123/2010. Tillagan samanstendur af skipulagsuppdrætti og greinargerð.

Á haustþingi SSNV í október 2019 var skipuð samgöngu- og innviðanefnd. Hlutverk nefndarinnar er að vinna að upplýsingaöflum vegna samgönguáætlunar SSNV með starfsmönnum samtakanna. Ítarleg upplýsingaöflun og greining á þáttum er varða samgöngu- og innviðamál er grundvöllur þess að setja megi saman raunhæfar áætlanir um uppbyggingu samgöngumannvirkja og annarra innviða í landshlutanum

Blönduósbær leitar að áhugasömum aðila, með þekkingu og reynslu af viðburðarstjórnun, til að stjórna viðburðum í sveitarfélaginu. Um er að ræða tímabundna ráðningu með möguleika á framlengingu til lengri tíma.

Fimmtudaginn 14. febrúar næstkomandi, klukkan 17:00, munu Lee Ann Maginnis, umsjónarmaður dreifnáms í A-Hún, Margrét Helga Hallsdóttir, námsráðgjafi FNV, Þórdís Hauksdóttir, fræðslustjóri og fulltrúar frá nemendafélagi FNV kynna námsframboð, félagslíf og aðstöðu dreifnáms í A- Hún og FNV. Allir nemendur í 9. og 10. bekk í grunnskólum A-Hún eru sérstaklega boðaðir til fundarins ásamt foreldrum eða forráðamönnum.

Stjórn Brunavarna A-Hún hefur ráðið Ingvar Sigurðsson sem slökkviliðsstjóra Brunavarna Austur-Húnavatnssýslu og mun hann hefja störf, í fullu starfi, eigi síðar en 1. maí 2019. Ingvar er löggiltur slökkviliðs- og sjúkraflutningamaður og hefur starfað í tæp 10 ár sem hlutastarfandi slökkviliðsmaður hjá Brunavörnum Árnessýslu 2009-2019 en starfar núna sem einn af fjórum vakthafandi varðstjórum slökkviliðsins, og sinnir þar bakvöktum og þjálfun. Einnig hefur hann starfað við sjúkraflutninga hjá HSu á árinu 2015.

Blönduósbær leitar að aðila í framtíðarstarf í þjónustumiðstöð. Við leitum að metnaðarfullum einstakling með áherslu á vinnu við veitur og þjónustu við stofnanir sveitarfélagsins. Aðilinn verður að vera stundvís, sýna sjálfstæð vinnubrögð og búa yfir góðum mannlegum samskiptum.

Blönduósbær óskar eftir að ráða starfsfólk í framtíðarstarf við heimaþjónustu. Æskilegt er að viðkomandi hafi bílpróf og sé orðinn 25 ára. Vinnutími er samkomulag á milli þjónustuþega og starfsmanns. Um er að ræða hlutastarf sem er tilvalið með annarri vinnu.