Þjónusta við fatlað fólk
Sveitarfélagið Skagafjörður er leiðandi sveitarfélag í málefnum fatlaðra á Norðurlandi vestra og fer með yfirstjórn málaflokksins og ber framkvæmdastjóri málefna fatlaðs fólks fjárhagslega og faglega ábyrgð á starfseminni. Mikil gróska hefur verið í málefnum fatlaðra og mikið vatn runnið til sjávar síðustu ár. Komið hefur verið á skilvirku samvinnukerfi á milli þjónustukerfa sem þjónar börnum á leik- og grunnskólaaldri.
Fötluðum börnum er fylgt eftir með góðum upplýsingum á milli skólastiga. Fagfólk vinnur í teymi í góðu samstarfi við foreldra og aðra er tengjast barninu. Teyminu er ætlað að tryggja yfirsýn yfir þjónustuúrræði, gæta samræmingar og markvissra vinnubragða. Góð samvinna er á milli stofnana og sameinast fólk um að gera þjónustuþegum sem auðveldast fyrir.
Til að eiga rétt á þjónustu þurfa umsækjendur að uppfylla eftirfarandi skilyrði:
- Eiga lögheimili í Húnabyggð, Húnaþingi vestra, Skagafirði eða Skagaströnd
- Vera metin í þörf fyrir stuðning samkvæmt reglum Skagafjarðar
- Foreldrar hafi forsjá með þeim börnum sem stuðningur snýr að
Fyrsta skrefið í að sækja um þjónustu er að bóka samtal hjá ráðgjafa.
Á Blönduósi er starfrækt heimili fyrir fatlað fólk auk þess sem íbúar svæðsins hafa aðgang að þjónustu skammtímavistunar á Sauðárkróki, stuðningsfjölskyldna, liðveislu og ráðgjafa.
Ráðgjafi í málefnum fatlaðra barna er Valgerður Hilmarsdóttir, starfsmaður velferðarmála, með aðsetur á Blönduósi. Netfang: vala@hunabyggd.is
Ráðgjafi í málefnum fullorðins fatlað fólks er Steinunn Anna Halldórsdóttir, með aðsetur á Sauðárkróki. Netfang: steinunnanna@skagafjordur.is
Framkvæmdastjóri málefna fatlaðs fólks er Gréta Sjöfn Guðmundsdóttir, með aðsetur á Sauðárkróki. Netfang: gretasjofn@skagafjordur.is
