Sumarfjör sumarið 2025
Seinasti skráningardagur er 4. júní.
Skemmtileg og fjölbreytt sumardagskrá þar sem börnum stendur til boða að sækja námskeið í sumar. Um er að ræða Sumarfjör þar sem lögð er áhersla á leiki, skemmtun og fræðslu. Boðið er upp á íþróttir, leiki, listir, fræðslu, sundpartý og ýmislegt fleira.
Sumarfjör verður í 6 vikur í sumar, alla virka daga frá 10.júní-17.júlí.
Í sumar verða tveir hópar í Sumarfjöri .
Börn fædd 2017- 2018 frá kl. 9-12 alla virka daga.
Börn fædd 2013-2016 frá kl. 13-16 alla virka daga.
Athugið breytta skiptingu frá seinustu árum. Ástæðan fyrir þessarri breytingu er að koma til móts við þau börn sem æfa knattspyrnu.
Í sumar ætlum við að prófa að bjóða upp á gæslu og hádegismat fyrir yngri hópinn.
Verð fyrir gæslu kl. 8-9 er 320 kr. Ekki er hægt að skrá staka daga, einungis viku.
Verð fyrir mat og gæslu kl. 12-13 er 920 kr. Ekki hægt að skrá staka daga, einungis viku.
Athugið að hádegismaturinn verður einungis í boði fyrstu 4 vikurnar. Boðið verður upp á gæslu í hádeginu allar 6 vikurnar, en þá er gott að þau komi með nesti til að borða í hádeginu síðustu tvær vikurnar.
Gjaldskrá fyrir Sumarfjör sumarið 2025 er eftirfarandi:
1 vika 4.000 kr
2 vikur 6.000 kr
3 vikur 8.000 kr
4 vikur 10.000 kr
5 vikur 12.000 kr
6 vikur 14.000 kr
Systkinaafsláttur er 50% fyrir systkini sem eru skráð sömu vikuna í Sumarfjör.
Öll samskipti fara í gegnum Abler í sumar. Þar getið þið t.d. skráð ef börnin mæta ekki, og sent skilaboð á starfsfólk. Ég sendi út nánari upplýsingar þegar skráningin er búin.
Starfsfólk Sumarfjörs sumarið 2025:
Yuliia Sergeevna Kolomoiets
Gabríel Dagur Þórðarson
Emma Dögg Frostadóttir
Anna María Hauksdóttir/Marko Zivkovic
Unglingar úr Vinnuskóla Húnabyggðar verða til aðstoðar
Mæting alla daga er á skólalóð Húnaskóla, við endum alla daga þar líka, nema annað komi fram. Gert er ráð fyrir að allir mæti með hollt og gott nesti. (Gos, orkudrykkir og sælgæti er ekki leyfilegt). Gott að hafa með sér vatnsbrúsa líka.
Mikilvægt er að börnin séu klædd eftir veðri. Minnum á sólarvörn.
Við bjóðum upp á fylgd fyrir börn sem eru fædd 2017 – 2018 á knattspyrnuæfingar, foreldrar þurfa að óska eftir því.
Ef einhverjar spurningar vakna þá endilega hafið samband á netfangið: kristin@hunabyggd.is
