Heimilisfang: Melabraut 2,540 Blönduós
Forstöðumaður: Snorri Snorrason
Netfang: snorri@imb.is
Sími: 455-4780
Frábær sundlaug fyrir alla, draumur fyrir barnafólk.
Sundlaugin er 25 x 8,5 metrar að stærð, tveir heitir pottar, gufa, vaðlaug, ísbað og tvær stórar rennibrautir og mikið af skemmtilegum leiktækjum og leikföngum.
Umhverfisvænar lausnir notaðar í sundlauginni. Klór er framleiddur á staðnum og er matarsalt eina afurðin sem þarf í framleiðsluna ásamt rafmagni og vatni. Framleitt er klórgas og það sett beint inn í sótthreinsun auk þess sem kerfið framleiðir klórvatn sem notað er til að mæta dagssveiflum í notkun. Tækið var það fyrsta sinnar tegundar hér á landi. Helstu kostir kerfisins eru: Enginn flutningur á milli staða á hættulegum efnum, klórlykt minnkar, sviði í augum minnkar verulega, húðerting minnkar, vistvænt fyrir starfsfólk og stuðlar að umhverfisvænu umhverfi.
Þreksalurinn er bjartur og glæsilegur.
Hann er búinn góðum Technogym líkamsræktartækjum.
Sérstök aðstaða fyrir lyftingamenn á svölunum í íþróttasalnum sem einnig velbúinn með boxpúða, lyftingargólfi, upphífingarstöng o.fl.
Íþróttasalurinn er 23 x 40 metrar að stærð sem er löglegur handknattleiksvöllur, 4 blakvellir, 6 badmintonvellir, 3 körfuknattleiksvellir og 1 tennisvöllur. Einnig er mikið úrval tækja og áhalda til íþróttakennslu. Góð áhorfendastúka í salnum.