08.11.2022 - Sveitarstjórn Húnabyggðar

2211010

2211011

2211009

2211014

2211012

2211013

2210003F

• 7.1 2205002 Sorphirða í Húnavatnssýslum
  Byggðaráð Húnabyggðar - 9 Umræða varð um flokkun sorps en byggðaráð felur sveitarstjóra að vera fulltrúa sveitarfélagsins í undirbúningshópi ásamt því að fá fulltrúa úr umhverfisnefnd sveitarfélagsins til samstarfs. Upplýsa byggðaráð þegar liggur fyrir.
• 7.2 2210022 Fráveitumál
  Byggðaráð Húnabyggðar - 9 Sveitarstjóri fór yfir undirbúning fráveitaframkvæmda vestan Blöndu, og ósakaði eftir heimild til þess að láta gera frumkostnaðaráætlun um þessa framkvæmd.
  Byggðaráð samþykkir að láta gera kostnaðaráætlun og síðan ákveða framhaldið.
• 7.3 2210024 Námur í sveitarfélaginu
  Byggðaráð Húnabyggðar - 9 Rætt var um stöðu á núverandi námum í sveitarfélaginu, eftirlit með þeim og hvernig þær myndu nýtast best. Byggðaráð vísar málinu til umsagnar Umhverfisnefndar ásamt Skipulags- og byggingarnefndar.
• 7.4 2210016 Byggðamerki Húnayggðar
  Byggðaráð Húnabyggðar - 9 Farið var yfir mögulegar útfærslur á skoðanakönnun meðal íbúa eins og sveitarstjórn ályktaði um á síðasta fundi. Byggðaráð samþykkir að fram fari íbúakosning í nóvember, þar sem allir íbúa geti takið þátt, og verður nánari útfærsla auglýst síðar.
• 7.5 2210025 Aðgengismál
  Byggðaráð Húnabyggðar - 9 Rætt var um fyrirliggjandi þarfir á umbótum á aðgengismálum hreyfihamlaðra,og hvaða styrki væri mögulegt að fá á móti kostnaði. Sveitarstjóra falið að vinna málið áfram,kanna með kostnað og leggja fyrir vinnu við fjárhagsáætlun 2023.
• 7.6 2210020 Erindi til sveitarstjórnar frá Markaðsstofu Norðurlands
  Byggðaráð Húnabyggðar - 9 Umræður urðum um stuðning við Flugklasann Air66N, og var endanlegri ákvörðun vísað til fjárhagsáætlunarvinnu 2023.
• 7.7 2210021 Umsókn um rekstrarstyrk fyrir árið 2023
  Byggðaráð Húnabyggðar - 9 Byggðaráð tekur vel í erindið og vísar endanlegri ákvörðun til vinnu við fjárhagsáætlunarvinnu 2023.
• 7.8 2210023 Uppbygging gamla bæjarhlutans
  Byggðaráð Húnabyggðar - 9 Sveitarstjóri fór yfir mögulega kynningarfundi á fram komnum hugmyndum á uppbyggingu og fyrirliggjandi fjárfestingu í gamla bæjarhlutanum á Blönduósi. Þar verði einnig kallað eftir hugmyndum vegna vinnu við deiliskipulag sem nú er í lokavinnslu.
• 7.9 2210027 Fasteignamál sveitarfélagsins
  Byggðaráð Húnabyggðar - 9 Farið var yfir stöður þessara mála, sem verða skoðuð frekar á milli funda.
  Byggðaráð leggur áherslu á að málefnum fasteigna Húnavalla verði þokað áfram.
• 7.10 2210026 Samninganefndir á vegum sveitarfélagsins
  Byggðaráð Húnabyggðar - 9 Sveitarstjóri lagði til að Friðrik Halldór, Magnús Sigurjónsson ásamt honum myndu hitta fulltrúa þeirra félagasamtaka sem hafa verið með fasta samninga við sveitarfélögin. Málið verður lagt fyrir byggðaráð í tengslum við fjárhagsáætlun 2023.
• 7.11 2207026 Starfsmannamál
  Byggðaráð Húnabyggðar - 9 Sveitarstjóri gerði grein fyrir stöðu starfsmannamála. Auglýst hefur verið eftir byggingafulltrúa og eru fleiri breytingar í farvatninu sem verða kynntar síðar.
• 7.12 2210028 Afskriftir krafna
  Byggðaráð Húnabyggðar - 9 Við sameiningu sveitarfélaganna Blönduósbæjar og Húnavatnshrepps, var ákveðið að Brunavarnir Austur-Húnvetninga myndu renna inn í hið nýja sveitarfélag Húnabyggð.
  Við samrunann þá koma í ljós gamlar stöður á viðskiptamannareikningi BAH, sem allar eru löngu fyrndar. Óskað er eftir að þessar stöður verði færðar út úr bókhaldi BAH.
  
  Byggðaráð Húnabyggðar samþykkir að afskrifa ofangreindar kröfur sem eru samtals að upphæð: 3.045.454-kr., samkvæmt fyrirliggjandi yfirliti frá Aðalbókara Húnabyggðar. Bókun fundar Samþykkt samhljóða.
• 7.13 2210029 Félagsheimili sveitarfélagsins
  Byggðaráð Húnabyggðar - 9 Farið yfir stöðu mála er varðar félagaheimili í sveitarfélaginu, hlutverk þeirra og ástand. Taka þarf stefnumarkandi ákvörðun um þessi mál til lengri framtíðar.
  Málið verður áfram til skoðunnar.
• 7.14 2210030 Stjórnarfundir í Húnaneti og Fasteignum Húnavatnshrepps
  Byggðaráð Húnabyggðar - 9 Boðaðir hafa verið aðalfundir í báðum þessum félögum í næstu viku.
  Byggðaráð Húnabyggðar veitir Pétri Arasyni sveitarstjóra umboð til þess að fara með atkvæði sveitarfélagsins á báðum fundunum.

2211001F

• 8.1 2211002 Greiðslur fyrir nefndastörf
  Byggðaráð Húnabyggðar - 10 Það er ekki fullkomið samhengi í því hvernig borgað er fyrir nefndarstörf starfsmanna sveitafélagsins og sveitastjóra er falið að koma með tillögu að nálgun sem er eins fyrir alla. Eins þarf að yfirfara greiðslur til nefndamanna hvað varðar fastar greiðslur. Bókun fundar Sveitastjóra falið að koma með tillögur að samræmdum reglum er varðar greiðslur til áheyrnafulltrúa fastanefnda og föstum greiðslum til áheyrnarfulltrúa byggðarráðs.
• 8.2 2211003 Fasteignamál
  Byggðaráð Húnabyggðar - 10 Búið er að halda aðalfund í Fasteignafélagi Húnabyggðar (áður Fasteignafélag Húnavatnshrepps), þar sem kosin var ný stjórn og nýr framkvæmdastjóri settur til starfa.
  Lagt er til að sveitarfélagið gangi frá kaupum á Húnabraut 5 sem fyrst og að lögð verði áhersla á að hæðin á Hnjúkabyggð 33 verði seld sem fyrst.
  Bókun fundar Sveitastjórn samþykkir samhljóða kaup á Húnabraut 5 með fyrirvara um að kaupsamningur fasteignar á Hnjúkabyggð 33 liggi fyrir.
• 8.3 2211001 Dæluhús við Flúðabakka
  Byggðaráð Húnabyggðar - 10 Kynntar voru niðurstöður útboðs þar sem komu inn tvö tilboð frá Hafurð og Trésmiðjunni Stíganda. Lægsta tilboðið var frá Hafurð en það var 108% af kostnaðaráætlun og var því tilboði tekið og eru framkvæmdir þegar hafnar. Bókun fundar Kostnaðaráætlun hljóðaði upp á 13.820.205kr. og lægsta tilboð sem var frá Hafurð ehf. var 108% af kostnaðaráætlun og staðfestir sveitastjórn ákvörðun byggðarráðs.
• 8.4 2211004 Fjármál
  Byggðaráð Húnabyggðar - 10 Vinna við sameiningu efnahagsreikninga sveitafélaganna stendur enn yfir og líkur á næstu vikum.
  Fyrsta greiðsla frá Jöfnunarsjóði vegna sameiningar sveitafélaganna upp á 60.000.000.kr. hefur borist og seinni greiðslan kemur í desember.
  
• 8.5 2211009 Erindisbréf
  Byggðaráð Húnabyggðar - 10 Sveitastjóri falið að skoða öll erindisbréf saman með formönnum nefnda og samræma texta um hvernig hlutir eru gerðir. Fastanefndirnar tryggi að hlutverk þeirra sé skýrt.
• 8.6 2211016 Refaveiðar
  Byggðaráð Húnabyggðar - 10 Kalla þarf á fund í landbúnaðarnefnd og sameina reglur um refaveiðar.
• 8.7 2211017 Brunavarnir
  Byggðaráð Húnabyggðar - 10 Lagt er til að sveitastjórn taki tilbaka þá ákvörðun um að skipa stjórn yfir Brunavarnir. Bókun fundar Samþykkt með 9 atkvæðum samhljóða

2211002F

• 9.1 2210029 Félagsheimili sveitarfélagsins
  Atvinnu- og menningarnefnd Húnabyggðar - 3 Rætt var um félagsheimili í eigu sveitafélagsins og nauðsyn þess að marka stefnu um framtíð þessara húsa. Ákveðið var að hefja samtal við þá hagsmunaaðila sem nota Húnaver og Dalsmynni og heyra þeirra sjónarmið. Einng var ákveðið að gera greinagóða samantekt á kostnaði sveitafélagsins við félagsheimilin þrjú og einnig hvaða framkvæmdir eru þegar ákveðnar og/eða liggja fyrir. Að sama skapi að útbúa einfaldar viðskiptaáætlanir fyrir húsin þ.e. að átta sig á því hvaða tekjur þessi hús geti búið til. Ákveðið að halda næsta fund nefndarinnar í Húnaveri og skoða þær framkvæmdir sem þar eru í leiðinni.
  Athuga þarf hvaða hlutverki fyrrverandi hússtjórnir gegni í nýju sveitafélagi og hvort ekki þurfi að skipa nýja stjórn yfir húsin.
  
• 9.2 2211005 Þrístapar
  Atvinnu- og menningarnefnd Húnabyggðar - 3 Búið er verið að funda með söluaðila salernis sem setja á upp við Þrístapa. Það eru ýmis atriði er varðar rekstur og viðhald salernisins sem ekki eru ljós. Nefndin mun skoða hvort að hægt sé að færa salernið frá Þrístöpum í Ólafslund. Þetta tengis hugmynd um að sjá svæðið í stærra samhengi þ.e. Þrístapar, Skólahúsið og Ólafslundur.
• 9.3 2211006 Erindisbréf atvinnu- og menningarnefndar Húnabyggðar
  Atvinnu- og menningarnefnd Húnabyggðar - 3 Nefndin vísar til sveitastjórnar að snjómokstur og umferðaöryggi eigi ekki heima í nefndinni. Snjómokstur og umferðaöryggi ættu að vera í skipulagsnefnd.
• 9.4 2211007 Stekkjavík
  Atvinnu- og menningarnefnd Húnabyggðar - 3 Hugmyndir kynntar um að skoða uppbyggingu græns iðngarðs við eða í tengslum við Stekkjavík. Umræður og hugmyndavinna á frumstigi og þetta verður kynnt betur þegar búið er að safna saman meiri upplýsingum.
• 9.5 2211008 Ýmislegt
  Atvinnu- og menningarnefnd Húnabyggðar - 3

2210005F

• 10.1 2209018 Leikskóli Húnabyggðar
  Fræðslunefnd Húnabyggðar - 6 Þórunn Ragnarsdóttir leikskólastjóri fór yfir stöðu mála. Leikskólinn er nú fullmannaður. Nefndin lýsir ánægju sinni með stöðuna og þakkar leikskólastjórnendum fyrir þeirra störf. Þórunn fór yfir þau viðhaldsverkefni sem nú standa yfir og þörf er á. Umræður um ýmis mál, m.a snjómokstur og hálkuvarnir. Umræður um heimasíðu leikskólans. Fræðslunefnd telur æskilegt að hún verði tengd nýrri heimasíðu sveitarfélagsins sem nú er í vinnslu og brýnir að hraða þurfi þeirri vinnu.
• 10.2 2206039 Gjaldskrá leikskóla Húnabyggðar
  Fræðslunefnd Húnabyggðar - 6 Eftirfarandi breytingar eru lagðar til:
  
  Í lok 3. gr. bætist við:
  
  Börn sem eru frá leikskóla meira en 4 vikur samfellt vegna
  veikinda greiða ekki dvalargjald á meðan veikindum stendur.
  
  4.gr.
  Gjald fyrir hluta úr klukkustund skal ávallt miðast við hverjar 15 mínútur úr klst.
  
  5.gr.
  Gjaldskrá þessi gildir frá 1. des. 2022.
  
  Breytingar samþykktar samhljóða af Fræðslunefnd.
  
  Fræðslunefnd beinir því til sveitarstjórnar að samræma greiðslufyrirkomulag milli starfsstöðva leikskóla. Bókun fundar Sveitarstjórn samþykkir samhljóða breytingartillögur við grein 3, 4 og 5 er varðar gjaldskrá leikskóla Húnabyggðar eins og fræðslunefnd leggur til.
  Sveitastjórn vísar til sveitastjóra að ákveða sameiginlegar reglur er varðar hvenær leikskólagjöld eru greidd.
• 10.3 2210037 Mötuneytisþjónusta á skólaárinu 2023 - 2024
  Fræðslunefnd Húnabyggðar - 6 Þórhalla, Anna Margret og Kristín Jóna mættu á fundinn klukkan 17:30.
  
  Þórhalla skólastjóri greindi frá fundi sínum með Þórunni leikskólastjóra og eiganda Himinn Sól ehf. sem sér um mötuneytisþjónustu í leik- og grunnskóla á Blönduósi.
  Miklar umræður urðu undir þessum lið. Fræðslunefnd hvetur sveitarstjórn að marka stefnu um framtíðarskipulag mötuneytisþjónustu þar sem lögð er áhersla á gæði, uppruna og meðhöndlun hráefnis ásamt lýðheilsu- og umhverfissjónarmiðum. Stefnumótun þessi þarf að endurspeglast í fjárhagsáætlunargerð sveitarfélagsins fyrir árið 2023.
  
  Þórunn, Ragnheiður og Lára Dagný véku af fundi 18:15 Bókun fundar Sveitastjórn tekur undir mikilvægi þess að lýðheilsusjónarmið ráði för í mötuneytismálum leik- og grunnskóla og felur byggðaráði að móta skýra framtíðarsýn í fjárhagsáætlun um framtíðarskipulag þessara mála.
• 10.4 2210038 Grunnskóli Húnabyggðar
  Fræðslunefnd Húnabyggðar - 6 Þórhalla fór yfir fjölda verkefna og viðburða sem eru hafin eða í undirbúningi. M.a stofnun forvarnarteymis á Norðurlandi vestra, starfamessa í FNV, skólaheimsóknir á Akureyri, fyrirhugað skólaþing um stefnumótun fyrir grunnskóla Húnabyggðar o.fl.
  Skólastjóri fór yfir húsnæðismál grunnskólans.
  Skólastjóri greindi frá þeirri vinnu við nýtt nafn á skólann. Skólaráð hefur fundað og upplýsti skólastjóri fræðslunefnd frá tillögum ráðsins og næstu skref.
  Fulltrúi foreldrafélags spurði skólastjórnendur um fjáraflanir og viðburðastarf. Stefnt er að hefja undirbúning þessa á fyrirhuguðu skólaþingi.
  
  Þórhalla, Anna Margret, Kristín Jóna og Sigurður véku af fundi klukkan 18:50.
• 10.5 2210039 Erindisbréf fræðslunefndar Húnabyggðar
  Fræðslunefnd Húnabyggðar - 6 Nefndin fór yfir drög að erindisbréfi og felur formanni að koma athugasemdum á framfæri við sveitarstjórn.
• 10.6 2206034 Önnur mál
  Fræðslunefnd Húnabyggðar - 6

2210004F

• 11.1 2210032 Ungmennafélagið Hvöt - kynning á skýrslu
  Íþrótta-, tómstunda- og lýðheilsunefnd Húnabyggðar - 3 Grímur Rúnar Lárusson og Steinunn Hulda Magnúsdóttir véku af fundi við umræður og afgreiðslu þessa liðar. Grímur Rúnar Lárusson gerði það að tillögu sinni að Agnar Logi Eiríksson tæki við stjórn fundarins í fjarveru sinni. Tillagan samþykkt með fimm atkvæðum samhljóða.
  
  Lee Ann Maginnis, verkefnastjóri aðalstjórnar Umf. Hvatar kynnti skýrslu félagsins um framtíðarsýn á uppbyggingu og endurbótum íþróttamannvirkja.
  
  Umræður urðu um skýrsluna við lok kynningar. Að lokinni umræðu bar Agnar Logi Eiríksson upp þá tillögu að vísa skýrslunni til byggðaráðs vegna fjárhagsáætlunargerðar 2023. Samþykkt með 5 atkvæðum samhljóða.
  
  Grímur Rúnar Lárusson tók aftur við stjórn fundarins að lokinni afgreiðslu þessa liðar.
  
  Lee Ann Maginnis vék af fundinum að lokinni afgreiðslu þessa liðar.
• 11.2 2210033 Hestamannafélagið Neisti - kynning á skýrslu
  Íþrótta-, tómstunda- og lýðheilsunefnd Húnabyggðar - 3 Hafrún Ýr Halldórsdóttir, formaður hestamannafélags Neista, kynnti skýrslu félagsins um framtíðarsýn á uppbyggingu og endurbótum íþróttamannvirkja.
  
  Umræður urðu um skýrsluna við lok kynningar. Að lokinni umræðu bar Grímur Rúnar Lárusson upp þá tillögu að vísa skýrslunni til byggðaráðs vegna fjárhagsáætlunargerðar 2023. Samþykkt með 5 atkvæðum samhljóða.
  
  Hafrún Ýr Halldórsdóttir vék af fundinum að lokinni afgreiðslu þessa liðar.
  
• 11.3 2210034 Golfklúbburinn Ós - kynning á skýrslu
  Íþrótta-, tómstunda- og lýðheilsunefnd Húnabyggðar - 3 Eyþór Franzon Wechner, formaður Golfklúbbsins Ós kynnti skýrslu félagsins um framtíðarsýn á uppbyggingu og endurbótum íþróttamannvirkja.
  
  Umræður urðu um skýrsluna við lok kynningar. Að lokinni umræðu bar Grímur Rúnar Lárusson upp þá tillögu að vísa skýrslunni til byggðaráðs vegna fjárhagsáætlunargerðar 2023. Samþykkt með 5 atkvæðum samhljóða.
  
  Eyþór Franzon Wechner vék af fundinum að lokinni afgreiðslu þessa liðar.
  
• 11.4 2210035 Skotfélagið Markviss - kynning á skýrslu
  Íþrótta-, tómstunda- og lýðheilsunefnd Húnabyggðar - 3 Jón Kristjánsson, formaður skotfélagsins Markviss, kynnti skýrslu félagsins um framtíðarsýn á uppbyggingu og endurbótum íþróttamannvirkja.
  
  Umræður urðu um skýrsluna við lok kynningar. Að lokinni umræðu bar Grímur Rúnar Lárusson upp þá tillögu að vísa skýrslunni til byggðaráðs vegna fjárhagsáætlunargerðar 2023. Samþykkt með 5 atkvæðum samhljóða.
  
  Jón Kristjánsson, formaður skotfélagsins Markviss, vék af fundinum að lokinni afgreiðslu þessa liðar.
• 11.5 2210031 Tómstundarúta í Húnabyggð
  Íþrótta-, tómstunda- og lýðheilsunefnd Húnabyggðar - 3 Grímur Rúnar Lárusson kynnti hugmyndir um tómstundarútu í Húnabyggð til reynslu. Hugmyndin er sú að fram að áramótum yrði þrisvar sinnum boðið upp á rútu úr dreifbýli á viðburði í félagsmiðstöðinni Skjólinu. Dagsetningar yrðu kynntar síðar af menningar-, íþrótta- og tómstundafulltrúa sveitarfélagsins. Fyrir fundinum lágu tilboð frá tveimur aðilum í verkið vegna kostnaðarmats.
  
  Töluverðar umræður urðu á fundinum um málið.
  
  Grímur Rúnar Lárusson bar upp tillögu um að menningar-, íþrótta- og tómstundafulltrúa verði falið að vinna málið áfram í samstarfi við formann nefnarinnar. Samþykkt með 5 atkvæðum samhljóða.
• 11.6 2209024 Erindisbréf íþrótta-, tómstunda- og lýðheilsunefndar Húnabyggðar
  Íþrótta-, tómstunda- og lýðheilsunefnd Húnabyggðar - 3 Grímur Rúnar Lárusson kynnti erindisbréf nefnarinnar.
  
  Nefndin fór yfir drög að erindisbréfi nefnarinnar og felur formanni að koma athugasemdum á framfæri við sveitarstjórn.
• 11.7 2206034 Önnur mál
  Íþrótta-, tómstunda- og lýðheilsunefnd Húnabyggðar - 3 Engin önnur mál voru á dagskrá fundarins.

2211015

2211026