01.09.2026 - Skipulags- og samgöngunefnd Húnabyggðar

Lögð var fram merkjalýsing vegna stofnunar nýrra lóða við Sunnubraut 8, 10, 12, 14 og 16 á Blönduósi. Afmörkun lóðanna byggir á samþykktri deiliskipulagsbreytingu fyrir íbúðarbyggð við Sunnubraut og hnitsettum lóðarblöðum Landmótunar, dags. 27. ágúst 2026. Um er að ræða þrjár 806 m² einbýlishúsalóðir við Sunnubraut 8, 10 og 12, tvær 403 m² lóðir fyrir parhús við Sunnubraut 14 og 2.123 m² lóð við Sunnubraut 16 fyrir raðhúsakjarna með allt að fimm íbúðum.

Lögð var fram merkjalýsing landamerkja milli Stóra Búrfells, L145321, og Dunhóls, L145322, í Húnabyggð, dags. 2. júlí 2026. Merkjalýsingin er unnin samkvæmt lögum um skráningu, merki og mat fasteigna nr. 6/2001 og reglugerð um merki fasteigna nr. 160/2024 og tekur jafnframt til aðliggjandi fasteignarinnar Dunhóls lóðar, L177430. Markmið merkjalýsingarinnar er að mæla upp og staðfesta landamerki milli Stóra Búrfells og Dunhóls. Fram kemur að stærðir fasteignanna breytist ekki við merkjalýsinguna og að vegslóði frá Svínvetningabraut að Svínavatni liggi við landamerkin, þar sem kvöð hvílir á eigendum um að hindra ekki umferð um vegslóðann.

Lögð var fram merkjalýsing landamerkja milli Tinda, L145329, og Dunhóls, L145322, í Húnabyggð, dags. 6. júlí 2026. Merkjalýsingin er unnin samkvæmt lögum um skráningu, merki og mat fasteigna nr. 6/2001 og reglugerð um merki fasteigna nr. 160/2024 og tekur jafnframt til aðliggjandi fasteignarinnar Dunhóls lóðar, L177430. Með merkjalýsingunni, ásamt merkjalýsingu landamerkja Stóra Búrfells og Dunhóls, eru landamerki Dunhóls að fullu lýst og staðfest. Fram kemur að stærðir fasteignanna breytist ekki við merkjalýsinguna.

Lögð var fram merkjalýsing landamerkja milli Stóra Búrfells, L145321, og Tinda, L145329, í Húnabyggð, dags. 7. júlí 2026. Merkjalýsingin er unnin samkvæmt lögum um skráningu, merki og mat fasteigna nr. 6/2001 og reglugerð um merki fasteigna nr. 160/2024 og tekur jafnframt til aðliggjandi fasteigna Dunhóls lóðar, L177430, og Hamars, L145296. Markmið merkjalýsingarinnar er að mæla upp og staðfesta landamerki milli Stóra Búrfells og Tinda. Fram kemur að stærðir fasteignanna breytist ekki við merkjalýsinguna.

Lögð fram merkjalýsing vegna lóðaruppfærslu fyrir Brekkubyggð 5, L144852, í Húnabyggð. Samkvæmt merkjalýsingu er lagt til að lóðarstærð verði leiðrétt úr 760 m² í 938 m², eða um 178 m².

Með innsendu erindi dags. 25. ágúst 2026 óskar Hjörleifur Júlíusson fyrir hönd Mýrarbrautar 23 ehf. eftir byggingarleyfi að Ægisbraut 9 samkvæmt meðfylgjandi gögnum.

Með innsendu erindi dags. 27 ágúst 2026 leggur Atli Gunnar Arnórsson hjá Stoð ehf fram raunteikningar af eignahlut Líflands ehf vegna innanhúss breytinga ásamt skýli við anndyrir við aðalinngang.

Ístak hf. sækir um stöðuleyfi á lóð Fálkagerðs 1-11 fyrir vinnubúðum vegna framkvæmda á svæðinu.

Tekin fyrir að nýju umsókn frá Mílu hf. um framkvæmdaleyfi vegna nýlagningar ljósleiðara frá Breiðavaði að gagnaveri Borealis. Erindinu var frestað á 62. fundi nefnarinnar þann 16. júní 2026. Framkvæmdin felst í lagningu nýs ljósleiðara frá núverandi tengibrunni Mílu við Breiðavað, þar sem ljósleiðararör verður plægt niður í jörð, dregið í núverandi rör undir þjóðveg 1 og jafnframt undir Blöndu. Fram kemur að Borealis hafi óskað eftir því að ný lega ljósleiðarans verði aðskilin frá núverandi legu inn í gagnaverið til að auka rekstraröryggi.

Tekin fyrir að nýju umsókn frá Ljósleiðaranum ehf. um framkvæmdaleyfi vegna lagningar nýs ljósleiðararörs við Blönduós. Erindinu var frestað á 62. fundi nefnarinnar þann 16. júní 2026. Framkvæmdin felst í lagningu ljósleiðararörs á um 3.300 metra kafla frá þjóðvegi að Fálkagerði samkvæmt meðfylgjandi gögnum. Gert er ráð fyrir að rörið verði að mestu lagt með plægingu en grafið þar sem aðstæður krefjast þess. Samkvæmt umsókn er áætlað að framkvæmdin taki innan við viku og í samráði við hlutaðeigandi lóðarleigjendur og verktaka.

Lögð var fram til umsagnar skipulags- og matslýsing vegna fyrirhugaðrar breytingar á Aðalskipulagi Húnaþings vestra 2014-2026 og gerðar nýs deiliskipulags fyrir tengivirki og spennistöð í landi Reykja við Laugarbakka. Fyrirhugað er að breyta landnotkun svæðisins úr landbúnaðarsvæði í iðnaðarsvæði og stofna tvær um 2.500 m² lóðir, annars vegar fyrir tengivirki Landsnets og hins vegar fyrir spennistöð RARIK.

Til kynningar og umræðu drög að deiliskipulagi tjaldsvæðis við Hnjúkabyggð.

Lögð fram tillaga Arkís arkitekta ehf. að óverulegri breytingu á deiliskipulagi gagnavers við Svínvetningabraut sem nær til lóðanna Fálkagerðis 1- 15 ( eftir breytingu Fálkagerði 1-11)

Í deiliskipulagstillögunni felst að:

Lóðir Fálkagerðis 4 og 6 eru sameinaðar í eina lóð.

Lóð Fálkagerðis 8 er skipt upp í tvær lóðir, Fálkagerði 8 og 8a.

Afmarkaðar eru fjórar nýjar lóðir, Fálkagerði 7, 9, 10 og 10a.

Byggingarreitur á lóðum stækkar en byggingarmagn er óbreytt. Að öðru leyti gilda gildandi núverandi deiliskipulagsskilmálar.

Samhliða deiliskipulagsbreytingunni eru lóðnúmer uppfærð.

Tillagan er sett fram á breytingaruppdrætti.

Lagt var fram erindi frá íbúa vegna umferðaröryggis á Hólabraut á Blönduósi. Í erindinu er vakin athygli á hraðakstri um götuna og þeirri hættu sem af honum getur stafað, sérstaklega fyrir börn, gangandi og hjólandi vegfarendur. Óskað er eftir að aðstæður á Hólabraut verði teknar til skoðunar og metið hvort og hvar koma megi fyrir hraðahindrun, þrengingu eða öðrum viðurkenndum hraðalækkandi aðgerðum.

Lögð var fram kvörtun frá íbúa við Melabraut vegna hávaða frá bílastæði N1 við Norðurlandsveg á Blönduósi. Í erindinu kemur fram að eftir að bílastæðið var tekið í notkun árið 2023 hafi umferð um svæðið verið mikil, meðal annars vegna vörubíla og annarra stærri ökutækja, og að af því hljótist ónæði fyrir nærliggjandi íbúðabyggð. Óskað er eftir að ráðist verði í hljóðverndandi aðgerðir milli lóðar N1 og íbúðabyggðar við Melabraut.

Til umfjöllunar er umferðaröryggi á Húnabraut og tillaga um lagningu þriggja gangbrauta með það að markmiði að bæta öryggi gangandi vegfarenda og skapa öruggari tengingar yfir götuna. Í tengslum við málið telur nefndin jafnframt mikilvægt að horfa heildstætt á umferðaröryggi í sveitarfélaginu og meta þörf fyrir frekari aðgerðir á götum, við gatnamót og á helstu göngu- og akstursleiðum.