30.01.2023 - Íþrótta-, tómstunda- og lýðheilsunefnd Húnabyggðar

Kristín Ingibjörg Lárusdóttir, menningar-, íþrótta- og tómstundafulltrúi Húnabyggðar fór yfir veturinn í félagsmiðstöðinni Skjólinu. Umræður urðu um opnunartíma og mætingu í Skjólið, þá sérstaklega mætingu í dagopnun. Menningar-, íþrótta- og tómstundafulltrúa falið að vinna áfram að málinu.

Kristín Ingibjörg Lárusdóttir, menningar-, íþrótta- og tómstundafulltrúi Húnabyggðar kynnti fyrstu drög að frístundastarfi sumarsins í Húnabyggð. Umræður urðu um reglur um akstur foreldra/forráðamanna vegna þátttöku barna í íþrótta- og tómstundastarfi barna fjarri heimili.

Fyrir fundinum lágu tillögur um skipan í Ungmennaráð frá sveitarstjórn Húnabyggðar, USAH, nemendaráði Húnaskóla og nemendafélagi FNV.

Formaður nefndarinnar lagði fram eftirfarandi tillögu um skipan Ungmennaráðs frá 1. október 2022 til eins árs:
Aðalmenn:
Una Ósk Guðmundsdóttir
Haraldur Holti Líndal
Eyjólfur Þorgilsson
Gunnar Bogi Hilmarsson
Rannveig Gréta Guðmundsdóttir

Varamenn:
Pálmi Ragnarsson
Aðalheiður Ingvarsdóttir
Arnór Ágúst Sindrason
Sigurjón Bjarni Guðmundsson
Þröstur Einarsson

Tillagan borin upp og samþykkt með 5 atkvæðum samhljóða.

Grímur Rúnar Lárusson, formaður nefndarinnar, kynnti erindisbréf nefndarinnar sem sveitarstjórn samþykkti á fundi sínum þann 27. desember 2022. Erindisbréf nefndarinnar verður gert aðgengilegt á heimasíðu sveitarfélagsins.

Steinunn Hulda Magnúsdóttir greindi frá fyrirspurn sinni til sveitarstjórnar er varðar hlutverk nefndarinnar með hliðsjón af þeim fjármunum sem veitt er til íþróttamannvirkja og svæða á fjárhagsáætlun 2023. Formaður greindi frá því að 4 milljónir króna yrðu lagðar í verkefni á árinu 2023 og mun nefndin ásamt sveitarstjóra taka ákvörðun um framvindu þessara verkefna á komandi vikum.