17.05.2023 - Byggðarráð Húnabyggðar

Gísli og Inga Elsa fóru yfir þróun viðskiptamódels síns og hvernig framtíðaráhorf þeirra um uppbyggingu eru. Þau óska eftir því að lóðamál verði kláruð sem fyrst í nýju deiliskipulagi.

Erindinu vísað til mótunar auðlindastefnu og sveitarstjóra falið að sjá um samskipti vegna fyrirspurnarinnar.

Sveitarstjóri kynnti áhuga tveggja mismunandi aðila á því að byggja búsetuúrræði fyrir eldri borgara. Byggðarráð lýsir yfir ánægju sinni með að áhugi skuli vera á því hjá ólíkum aðilum að byggja úrræði fyrir eldri íbúa sveitarfélagsins. Sveitarstjóra falið að vinna málið áfram með aðilunum og koma framkvæmdum af stað sem fyrst.

Byggðaráð samþykkir svæðisáætlun um úrgang á Norðulandi en vekur athygli á því að sjálfbærni í úrgangsmálum sveitarfélaga fær lítið sem ekkert pláss sem er alvarlegt mál. Án sterkrar áherslu á sjálfbærni mun núverandi urðun í Stekkjarvík ekki minnka og í raun verður ekki séð fyrir endann á urðun nema að til komi stefnubreyting í þessum málum hjá sveitarfélögum á Norðulandi.

Byggðarráð samþykkir að þróa sameiginlegt leiksvæði allra barna á skólalóð grunnskólans og búa þannig um hnútana að öll börn óháð getu, færni eða aldri og fjölskyldur þeirra geti verið á sama svæðinu.

Byggðarráð samþykkir að fela sveitarstjóra að fara í viðræður við Yggdrasil um skógrækt í landi Ennis og innan Kúagirðingar sem verði mögulega framtíðar útivistarsvæði sveitarfélagsins.

Lagt fram til kynningar.

Byggðarráð felur sveitarstjóra að setja inn umsögn Húnabyggðar inn í samráðsgátt vegna vindorkuskýrslunnar.