Laust er til umsóknar 100% starf í mötuneyti Húnabyggðar, staðsettu í Húnaskóla. Starfið felst í aðstoð við stjórnenda mötuneytis hvað varðar rekstur og eldamennsku í mötuneytinu.
Í góðu samráði og samstarfi við menntastofnanir og skrifstofu sveitarfélagsins spilar mötuneytið lykilhlutverk í þróun og útfærslu lýðheilsustefnu sveitarfélagsins. Lögð er áhersla á að vinna með einfaldan, ferskan og hefðbundin íslenskan mat og matvæli.
- Almenn störf í mötuneyti
- Aðstoð við Innkaup og birgðastýringu
Menntunar- og hæfniskröfur
- Menntun á sviði matreiðslu og/eða matargerðar
- Reynsla af störfum í mötuneyti eða veitingastöðum
- Frumkvæði, jákvæðni og sköpunargleði
- Samskiptahæfileikar eru mikilvægir
- Reynsla af innkaupum og birgðastjórnun æskileg
- Góð íslenskukunnátta
- Hreint sakavottorð
Launakjör eru samkvæmt kjarasamningum sveitarfélagsins og viðkomandi stéttarfélags.
Gott er að umsókn fylgi yfirlit yfir nám og/eða fyrri störf og kynningarbréf.
Umsækjandi þarf að veita leyfi til upplýsingaöflunar úr sakaskrá.
Umsækjendur mega ekki hafa hlotið refsidóm vegna brota á ákvæðum XXII. kafla almennra hegningarlaga, nr. 19/1940. Umsækjendur mega ekki hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Rétt er að vekja athygli á því að við ráðningu er heimilt að sækja upplýsingar úr sakaskrá um það hvort tiltekinn einstaklingur hafi hlotið dóm vegna brota á ákvæðum XXII. kafla almennra hegningarlaga, að veittri fræðslu til hans þar að lútandi.
Viðkomandi þarf að geta hafið störf sem fyrst.
Umsóknum skal skila til Magnúsar Sigurjónssonar, magnus@hunabyggd.is eða Dagnýjar Rósu Úlfarsdóttir, dagny@hunabyggd.is sem gefa nánari upplýsingar.
