08. október 2026
Fréttir
Af gefnu tilefni vill Húnabyggð minna hundaeigendur á að lausaganga hunda er óheimil í þéttbýli sveitarfélagsins. Þetta á einnig við um gámasvæðið að Efstubraut 5 á Blönduósi.
Samkvæmt samþykkt um hunda- og kattahald í Húnabyggð, 2. gr., f-lið, er óheimilt að láta hunda ganga lausa innan marka þéttbýlis, að undanskildum nytjahundum við störf. Hundar skulu vera í taumi utanhúss og eigendum ber að hirða upp eftir þá.
Reglunum er ætlað að tryggja öryggi og vellíðan íbúa, vegfarenda og dýra ásamt því að stuðla að góðri umgengni í sveitarfélaginu.
Húnabyggð hvetur alla hundaeigendur til að sýna ábyrgð, virða gildandi reglur og sýna öðrum tillitssemi.
Sýnum tillitssemi og stuðlum saman að öruggu og snyrtilegu umhverfi fyrir alla.
