Heimilisfang: Hólabraut 17, 540 Blönduós
Sími Barnabær: 455-4740
Netfang: barnabaer@hunabyggd.is
Leikskólastjóri: Sigríður B. Aadnegard
Aðstoðarleikskólastjóri: Kristín Birgisdóttir
Leikskólinn Barnabær var stofnaður 1972. Hann hóf starfsemi sína í grunnskóla Blönduóss og var þá einungis starfandi yfir sumartímann. Árið 1975 breyttist hann í heilsárs leikskóla og árið 1977 fluttist hann að Árbraut 35. Árið 1981 fluttist leikskólinn í núverandi húsnæði og hefur verið starfræktur þar ásamt auka deildum út í bæ, nú síðast á efri hæð íþróttahússins.
Leikskólinn Vallaból var stofnaður 2008 og hefur verið starfræktur í sama húsnæði frá upphafi. Til að byrja með var hann rekinn sem sjálfstæð eining en frá árinu 2011 hefur hann verið samrekinn með Húnavallaskóla.
Við sameiningu sveitafélaganna, Húnavatnshrepps og Blönduóss, 2022 voru þessir tveir leikskólar sameinaðir í Leikskóla Húnabyggðar.
Leikskóli Húnabyggðar er 6 deilda leikskóli með 3 starfsstöðvar. Börnin eru 80 á aldrinum 12 mánaða – 5 ára. Leikskólinn starfar samkvæmt lögum um leikskóla nr. 90/2008, reglugerð um starfsumhverfi leikskóla nr. 655/2009 og Aðalnámskrá leikskóla frá 2011.
Boðið er upp á sveigjanlegan vistunartíma og er leikskólinn opinn frá kl 7:45 – 16:15.