Húnabyggð

Skemmtilegt verkefni með Textílsetrinu

Thu, 15 Mar 2018 09:57:00 +0000

Húnavallaskóli tekur þátt í verkefni á vegum Textílsetursins sem hefur það að markmiði að auka þekkingu og innsýn nemenda í söguna, samfélagið, fullveldishugtakið og velta því fyrir sér hversu mikilvægt fullveldið og prjónaskapur er fyrir okkur Íslendinga. Um leið er aukin þekking á prjóni og mikilvægi þessa þjóðarfs í sögu landsins. Nemendur vinna verk sem hefur tilvísun í fullveldisafmælið þar sem prjón er nýtt sem verkfæri. Verkið verður sýnt á Prjónagleði 2018 og síðan mun það prýða súlu í Leifstöð. Í gær heimsótti Jóhanna Pálmadóttir forstöðumaður Textílsetursins nemendur í 4.-8. bekk og hóf verkefnið formlega. Í verkið notum við ull í fánalitunum og prjónaðir eru bútar sem verða settir saman í teppi. Allir í skólanum geta tekið þátt.

Heimsókn í Heimilisiðnaðarsafnið

Thu, 15 Mar 2018 09:12:00 +0000

Síðastliðinn þriðjudag fóru nemendur fjórða og fimmta bekkjar í hina árlegu heimsókn í Heimilisiðnaðarsafnið. Eins og venja er fengu nemendur leiðsögn og fræðslu um safnið, einnig fengu þau að spreyta sig á að vefa, kemba og spinna ull.

Framsagnarkeppn 2018

Thu, 08 Mar 2018 12:01:00 +0000

Framsagnarkeppni grunnskólanna í Húnavatnsþingi var haldin í gær miðvikudaginn 7. mars. Höfðaskóli sá um lokahátíðina að þessu sinni. Þrír keppendur komu frá hverjum skóla, þ.e. Blönduskóla, Húnavallskóla, Höfðaskóla og Grunnskóla Húnaþings vestra. Forkeppni er haldin í hverjum skóla fyrir sig og mæta því þrír bestu úr hverjum skóla í lokakeppnina. Óhætt er að segja að allir keppendur hafi staðið sig vel og settu dómnefndina í talsverðan vanda því erfitt var að velja úr. Dómarar voru að þessu sinni Sigrún Grímsdóttir, Dagný Marín Sigmarsdóttir og Hrönn Bergþórsdóttir (fulltrúi Radda). Úrslit urðu þessi: 1. Klara Ósk Hjartardóttir, Höfðaskóla 2. Valdas Kaubrys, Húnavallaskóla 3. Máney Dýrunn Þorsteinsdóttir, Grunnskóla Húnaþings vestra Raddir, samtök um vandaðan upplestur og framsögn veittu peningaverðlaun fyrir fyrstu 3 sætin. Allir keppendurnir fengu síðan tvenn bókaverðlaun. Að lokum var farandskjöldur afhentur en skjöldurinn var gefinn af sjóði sem stofnaður var til heiðurs Grími Gíslasyni. Sá skóli sem hlýtur 1. sætið varðveitir skjöldinn fram að næstu keppni og kom það í hlut Höfðaskóla að þessu sinni.

Forkeppni fyrir Skólahreysti

Thu, 08 Mar 2018 09:44:00 +0000

Forkeppni fyrir Skólahreysti hefur farið fram. Það voru nemendur í 9.- 10. bekk sem kepptu um hver færi fyrir okkar hönd í keppnina þetta árið. Lið Húnavallaskóla skipa þau Guðmundur Sævar, Hugrún Lilja, Saullius Saliamonas, Alexander Rolf, Ásdís Freyja og Guðbjörg Anna.

Skólahald fellur niður í Húnavallaskóla ( leik- og grunnskóla )

Tue, 20 Feb 2018 15:14:00 +0000

Skólahald fellur niður í Húnavallaskóla ( leik- og grunnskóla ) á morgun miðvikudag (21. febrúar) vegna slæms veðurútlits. Kveðja, skólastjóri

Skólahald fellur

Fri, 02 Feb 2018 07:09:00 +0000

Allt skólahald fellur niður í dag 2. febrúar bæði í leik- og grunnskóla vegna veðurs.